كتبت/ أمل محسن

حكاية الفنان محمد صلاح

الفنان محمد صلاح آدم  هو  ممثل مصري خريج أكاديمية الفنون و المعهد العالي للفنون المسرحية قسم تمثيل وإخراج.

أعلن الفنان محمد صلاح عن أصابته بفيرس كورونا من خلال صفحته علي الفيس بوك و قام العديد من الفنانين و أصدقائه بالدعاء له بالشفاء العاجل .

و من أعمال الفنان محمد صلاح الفنية من المسلسلات التي شارك فيها ، الأمام المراغي و الأمام الغزالي و عباس الأبيض في اليوم الاسود و امام الدعاء و ولاد تسعة و ظل الرئيس، ومن أفلامه التي شارك فيها أسد سينا و سعيد كلاكيت.

و يرصد أليكم راديو نجومنا ماذا قال الفنان محمد صلاح  :

• انا خايف اموت قبل ماشوف نجاحي

الرواية

بكتبلكم وانا على سريري في #مستشفى_صدر_العباسية وبعد عمل أشعة مقطعية على الصدر اللي أكدت اني أصيبت بالوباء اللعين وقالولي اتأخرت ليه .. يمكن تكون آخر كلمات ليا في الدنيا دي ..

اترددت كتير بس لقيت نفسي مش قادر وبكتب .. لاني حسيت احساس غريب حسين اني مش خايف من الموت .. انا خايف اني اموت قبل ماشوف النجاح .. استغربت وقولت لنفسي انت مش خايف من الموت ؟؟؟

قولت والله لا .. انا خايف اموت قبل ماشوف نجاحي .. بلدنا بقى الحلم فيها .. انك بس تشتغل .. انت بس بتحاول طول الوقت انك تشتغل .. وتخبط على البيبان وكل البيبان بتتقفل في وشك ..

شباب في اول عمرهم وشباب بقوا رجال ورجال أصبحوا كهول وبنات وسيدات موهوبين خريجين المعاهد والكليات الفنية وماوقفوش أمام كاميرا ..

• يناشد الفنان محمد صلاح شركات الأنتاج بأن يمنحو الموهبين فرصه

واللي هاجر واللي اكتأب واللي انتحر … اجمل مافي الوجود الحلم والطموح واقبح مافي الوجود عدم تحقيق الحلم أو الطموح ده .. ارجوكم يا اصحاب #الاختيار في شركات الإنتاج

من المخرجين ومساعديهم او مديري الإنتاج أو المنتجين الفنيين او المشريفين على الانتاج او أصحاب الورش الفنية أو الكاستينج دايريكتور أو صاحب المنتج الفني أو أو ..

الموهوبين في مصر كتيييير واللي ضيعوا عمرهم في حب الفن ودراسته سنين كتييييير لكن معندهمش واسطة ولاصاحب ولا قريب مخرج ولا منتج ولا منتج فني ولا ابن نجم برضه كتييييير قوي ..

انا كل اللي بتمناه العدل .. أن الموهوبين دول ياخدوا فرصة من الفرص الكتيييير قوي دي ..

معرفش ازاي ممكن يتحط النظام .. اللي بيه كل الموهوبين الدارسين أعضاء نقابة المهن التمثيلية ياخدوا فرصة .. واللي يثبت نفسه يكمل واللي مايثبتش نفسه الجمهور هايقول عليه لا .. بس بعد ما يكون اخد الفرصة ..

إقرأ أيضاً :

• فان دام .. قائلا لا أصدق رحيل رجاء الجداوي
• عاجل .. وفاة الفريق محمد العصار عن عمر يناهز 76 عاماً
• مان سيتي ضد ليفربول حامل اللقب بالدورى الإنجليزى وهزيمة 4 برباعية نظيفه

• الزعيم ينعي الراحلة رجاء الجداوي بصورة تجمعهما

• يطرح فكرة عمل بروتوكول ملزم بين نقيب الفنانين و رئيس اكاديمية الفنون المصرية

فكرت ولقيت ان انسب حل .. وانا يمكن ماحضرش تنفيذه أو حتى الموافقة عليه .. هو عمل بروتوكول ملزم بين الدكتور #اشرف_ذكي بصفته نقيب فنانين مصر ورئيس اكاديمية الفنون المصرية ..

على فكرة #اكاديمية_الفنون في #امريكا هي اللي بتمنح جائزة #الاوسكار ..والأستاذ #تامر_مرسي Tamer Mursi بصفته رئيس مجلس إدارة الشركة المتحدة للخدمات الاعلامية اكبر وأهم شركة انتاج في الشرق الأوسط ..

وانا عندي ثقة عظيمة في احساسهم وتفانيهم في حب عملهم وحب مصر .. وطبعا بعد كده ممكن كل شركات الانتاج والمخرجين يمضوا ويفعلوا نفس البرتوكول .. واللي لازم الجميع يتفق على بنوده و صياغته ..

• و قال يارب لو اتحقق الحلم وكنت مت د ابقي اموت وانا مستريح

و انا عندي ثقة كبيرة في كل القائمين على هذه الصناعة الكبيرة والعظيمة وفي قائدنا الحكيم المخلص السيد #الرئيس_عبد_الفتاح_السيسي اللي اكيد هايرحب بالعدل أو شكل من أشكال تحقيق العدالة ..

ويارب لو اتحقق الحلم ده .. وكنت يعني لاقدر الله مت ابقى مت وانا مستريح وسيبت لاولادي مايفخروا بيه ……
#بروتوكول_اكاديمية_الفنون #محمد_صلاح_آدم

ممثل اول وزارة الثقافة المصرية
وخريج أكاديمية الفنون المعهد العالي للفنون المسرحية قسم التمثيل والإخراج بتقدير جيد جدا ……