فن

أسرار جديدة من حياة الفنانة رانيا يوسف

3.7
(3)

كتبت / بسمة أبو بكر

الفنانة رانيا يوسف شخصية رومانسية

كشفت الفنانة رانيا يوسف كونها شخصية رومانسية في أحد البرامج التلفزيونية، حيث قالت :”أنا شخصية رومانسية بس الحقيقة بحاول أبقي مش رومانسية، لغاية دلوقتي في مرحلة التجارب إن أبقي واقعية شوية”

وأضافت رانيا:”الدنيا صعب تعيشي فيها الرومانسية، صعب تتعاملى مع ناس طول الوقت المادة عندهم والمصالح نمبر وان، كل همهم إزاى يستفيدو منك إزاى يستغلوكى، صعب إنك تكونى مستغلة طول الوقت”

وتابعت:”إحنا دايما كمشاهير الناس شيفانا من برا محدش شايف جوانا إي، محدش شايف المجهود شايفين وبيحكموا بس من النتيجة”

وأوضحت خلال تجربتها في تحولها لشخصية واقعية:” ساعات بنجح في فصل مشاعرى عن حياتي ودا قليل ز إنى اتعزلت عن الناس شوية معارفي وخروجاتي وتعاملاتي قليلة، لأنى حقيقي تعبت واتوجعت وإتأذيت وأُستغليت، ف أنا مش هعرف أعمل أى حاجة وأنا حزينة وزعلانة وموجوعة، عشان كدا إعتزلت الناس”

وأكدت:”دى راحة بس مش لطيفة برضو لإن طول الوقت عايشة لوحدى والوحدة حاجة مش لطيفة ولكن أحسن من إى أكون وسط الناس كذابة”

رانيا يوسف

اقرأ أيضاً:

حياة الفنانة رانيا يوسف تريند 

وبمتابعة راديو نجومنا صرحت الفنانة رانيا يوسف عن دهشتها كونها تريند باستمرار وقالت:”أنا بصحي من النوم بلاقي إنى تريند..صورة عادية من سنتين بقت تريند..فستان عادي وأنا مجيتش جمبكوا أهو ..أنا مش فاهمه إيه معايير التريند..بس لطيف ان الناس حبانى وحابة تتابعني”

وأكدت :”أنا مبحاولش أكون تريند ,,اللى ماسكة السوشيال ميديا بتنقي الصورة وتعمل الإيديت وتنزلها مبترجعليش..وانا مش متابعة لإنى مبحبش التليفون”، وتابعت:”يمكن من كتر مانا واقفة قدام الإضاءة والكاميرات والأنوار في عيني طول الوقت مبحتش أحبه مقدرش أتابع كدا كتير… فأنا مش مركزة في السوشيال ميديا زى ما الناس مفكرة كدا خالص”

الفنانة رانيا يوسف مدمنة جيم

كشفت رانيا يوسف عن حبها للجيم حين قالت:”طول ما معنديش شغل بروح الجيم لكن لو عندى شغل خلاص هو الجين بتاعي واقفة أكتر من 20 ساعة على رجلى…ف صعب إنى أروح الجيم”

وأكدت:”من زمان وانا بحب الرياضة طول عمرى بحب التنس والعجلة بتاعتي جداا، بروح الجيم وبحب أجرى وطول عمرى بحب الرياضة”

رانيا يوسف

الفنانة رانيا يوسف عارضة أزياء  ومضيفة طيران
كشفت الفنانة رانيا أنها بدأت موديل واشتغلت مضيفة ٣ سنين وكنت أطلع رحلة أرجع أمثل أعمل إعلان كدة واللبس متعتى وبحب أسافر والمهنة بتاعتنا محتاجة شو، وبعد مسلسل الحاج متولى عرفت أنى ممثلة جيدة كويسة والنجم الراحل نور الشريف قالى إنتى ممثلة كويسة كملى واستمرى ومسلسل أهل كايرو عديت فترة حلوة وكان خلاص عندى خبرة فى التمثيل واشتغلت على نفسى وخدت كورسات تمثيل”. 
الفنانة رانيا يوسف تكشف جنسيتها وجنسية والدتها

تصدرت الفنانة رانيا يوسف في الساعات القليلة الماضية تريند جوجل بشائعات جنسية والدتها السودانيا، ولكن رانيا نفت تلك الشائعات وأكدت أن  أن والديها مصريين ونشآ في طنطا، ولفتت النظر إلى أن تعلقها  بوالدها أكثر من والدتها لأن أمها كانت صارمة

وقالت رانيا يوسف: “أنا مصرية، أمي وأبويا من طنطا، مش صحيح أن والدتي سودانية، ورغم أن أبويا رجل عسكري، كان ضابط في سلاح المشاة، لكن كنت عنده رقم واحد، أبويا كان شديد خارج البيت لكن أول ما يدخل البيت، بالنسبة له أنا حاجه تانية، واتعلمت أصادق بناتي من صداقتي لوالدي”.

وأضافت “أمي صارمة شوية وكلمتها لازم تمشي مافيش حوار بيني وبينها وشايفة أنها صح طوال الوقت ومش عايزة حد يعمل حاجه غير اللي هي عايزاه، لكن اللي كان بيلطف الوضع هو والدي”.

الفنانة رانيا يوسف

سر رشاقة الفنانة رانيا يوسف

كشفت النجمة رانيا يوسف عن سر رشاقتها، وقالت:”نا بصوم اتنين وخميس دائما، ده لازم، وده مش عشان الجانب الديني بس، لكن الجانب الصحي كمان”.

وأضافت: “الجسم لما بيفهم نظام الأكل إزاي بيبتدي يتخن لمجرد أنه فهم نظامك في الأكل حتى لو كميات الأكل قليلة، لازم نلخبط مواعيد الأكل وعشان كده بصوم اتنين وخميس، وبشرب ميه بليمون كتير جدا، بالإضافة للرياضة والمشي”.

ما مدى فائدة هذا الخبر؟

شاركنا بتقيمك

متوسط التقيم 3.7 / 5. عدد الأصوات: 3

لا يوجد اصوات حتى الان! كن أول من يقيم هذا الخبر.

لقد أعجبك الخبر ما رائيك بمشاركته مع أصدقائك ؟ ...

تابعنا على وسائل التواصل الإجتماعي!

نأسف إذا كان الخبر لم يكن مفيدًا لك!

دعونا لتحسين هذا الخبر!

أخبرنا كيف يمكننا تحسين هذا الخبر؟

مقالات ذات صلة

زر الذهاب إلى الأعلى