كتبت / رشا أنور
البوم حمزة نمرة مولود سنة 80
بعد غياب عامين طرح الفنان حمزة نمرة أغنية جديدة لجمهوره عبر قناته الرسمية على موقع الفيديوهات الشهير «مولود سنة 80»، والذي تفاعل معها جمهوره ومحبوه، لتتخطي الأغنية حاجز الـ100 ألف في نصف ساعة من طرحها.
كلمات أغنية مولود سنة 80 لـ حمزة نمرة
وتقول كلمات الأغنية «تتفك اللعبة مني وأرجع أصلحها تاني عمري ما بصيت لسنّي ده أنا لسه ما جاش أواني وألاقي
المعادلة.. صعبة وسهلة ف تقفل وتفتح.. من الناحيتين وأمشي وأجري.. وأتعب واهدّي وأبص لساعتي.. تقول انت مين مولود سنة تمانين.. وبتعدي السنين.. قالوا لي خلاص كبرت.. أنا قولت إزاي وفين؟»
«وغامرت بعمري كله ووقعت كتير وقومت خدني الزحام في رجله وسحبني الموج وعومت يحيرني عقلي..ويغلبني قلبي واما أحب أشكي أحكي لمين؟ باحارب في وحشي.. وباهزم في يأسي وباكبر وباصغر.. وبالعب دورين عديت بحاجات تشيّب ومشاهد عايشة فيا وفضلت بريء وطيب حياتي دي مسرحية ودوري بطولة..ولد م الطفولة يغالب في خوفه.. يوفّي بدين عيوني بتلمع.. ولا عمري هرجع».
كلمات أغنية القصة واللي كان لـ حمزة نمرة
وتقول كلمات الأغنية:
دي القصة واللي كان اتنين حبوا زمان تفتكروا الحب كمل؟ ولا مع الوقت هان؟ هو كان قلبه خام و ُقليل ف الكلام لسه صغير لكنه مليان وحدة وآلام هي زينة البنات بضفيرة وفيونكات ولا تعرف يعني ايه حب ولهفة وغرام
وقابلها ف مرة صدفة اتبرجل لما شافها ابتسمت بان كسوفها إحساس خطفه وخطفها ده يومين.. وهتنساها مش ده الحب اللي يعيش إنسيه.. دي قلوبكم لسه بريئة ما بتحبيش ده كلام.. من أقرب ناس لما حكولهم سمعوه والحب مكنش بإيدهم يعني عشان ينسوه
كلمات غنوة ليك من قلبي لـ حمزة نمرة
وتقول كلمات الأغنية:
معقول حابس نفسك دايما جوة التيلفون مربوط جري ايه! مدة كبيرة عايش ف جزيرة ولا المجنون طب ليه ما تزودهاش وبلاش ما تزغللهاش ف عنيك ما تزوقهاش
الدنيا لايقة عليك هي ما تسواش تتعاش من غير الناس حواليك ما تحبكهاش ما تقفلهاش بإيديك علّي صوتك هيخلي الفرحة ف قلبي أجمل وياك غني من قلبك غني على ايه مستني
والدنيا تغني معاك ما تخليك دايما جنبي واطمن ما دمت جنبي وادي حته ليك من روحي وادي غنوة ليك من قلبي إلحق عيش ما تسيب روحك لينا تعالي ما تستناش جرب قوم فك وقرب لينا وبس ما تحسبهاش لو يوم ما تزودهاش وبلاش ما تزغللهاش ف عنيك ما تزوقهاش الدنيا لايقة عليك
كلمات أغنية معلش لـ حمزة نمرة
وطرح الفنان حمزة نمرة أغنية معلش من البوم مولود سنة 80 وتقول كلماتها :
أنا كان ناقصنى كتير علام مع دنيا طلعت مش تمام تدوسنى قال معلش قوم شكراً اوى ملهوش لزوم معلش يا معلش الدنيا لاويه دراعيومصدرالي الوش قرشة وقافشه من غير داعي حلّيني يا معلش وشوفي حد بدالي لا ترنّي ف وداني ولا تيجلي في طرف لساني
معلش هعمل بيها ايه لا تشيل وجع ولا بتداويه مبقتش بتحوق خلاص ولا ناس بتسمع م الأساس والكل متعلم عليه
كلمات أغنية احكيلك خوفي لـ حمزة نمرة
وتقول كلماتها :
الرعب ف أفلام السيما بقى دمه تقيل الرعب ف أفلام السيما أصلا تمثيل الخوف اللي بجد بأعيشه بره القاعة عفاريت وبتطلع في نهاري وكمان بالليل أحكيلك خوفي
أحكيلك خوفي من الوحدة ولا المجهول ومكالمة مهمة بتديني دايما مشغول والخوف على ناس جوه عيوني ليفارقوني والخوف من طولي وانا باحلم ما أقدرش أطول وبخاف على قلبي اللي أنا غيره بس ما حيلتيش وبخاف لا يكون عندك جوه وتقول لي ما فيش وبتجري البطلة في السيما خايفة لا تموت إنما أنا واقف في مكاني من خوفي لأعيش
كلمات أغنية الوقعة الأخيرة لـ حمزة نمرة
وطرح حمزة نمرة أغنية «الوقعة الأخيرة» من ألبوم «مولود سنة 80» وتقول كلماتها:
قبل خطوة م النهاية قبل آخر واقعة ليا بان قصادي شريط حياتي كنتي فيه قدام عينيا الأمل كان مات في قلبي م المعافرة بدون نتيجة وانتي طول الوقت جنبي شايفة أحلامي حقيقة كنت باهت روح وصورة والهموم صعبة وتقيلة قوتيني وشيلتي عني واتقاسمنا جراح كتيرة قلت لك الخوف كسرني شكلها الوقعة الأخيرة
قولتي مش هقبل سامعني لسه سكتنا طويلة انتي نور غير كياني مستحيل هتهد تاني فاكرة لما الحزن صابني والوجع غير في شكلي كنت محبط ضهري محني من همومي ومن مشاكلي كله سابني اتخلى عني كنت تايهه وسط غلبي قلبي كان مقسوم وجعني قولتي قوم كمل بقلبي دنيا ودت ناس ؛
وجابت وانتي ثابتة م البداية طول طريقي عليكي ساند مهما يحصل لي معايا قلت لك الخوف كسرني شكلها الوقعة الأخيرة قولتي مش هقبل سامعني لسه سكتنا طويلة انتي نور غير كياني مستحيل هتهد تاني.
أقرا أيضا
- أسمع دلوقتي ألبوم عمرو دياب يا أنا يا لأ 2021
-
بالفيديو .. القصة الكاملة لـ بسنت فتاة ميت غمر وتهديدها بالقتل
كلمات أغنية فاضي شوية لـ حمزة نمرة
وبمتابعة راديو نجومنا حققت أغنية “فاضي شوية” لـ حمزة نمرة، نجاحا كبيرا، حيث احتلت التريند رقم 1 على موقع “يوتيوب”.
كلمات أغنية 6 صباحا لـ حمزة نمرة
وطرح الفنان حمزة نمرة، أغنية جديدة بعنوان “6 صباحًا، عبر قناته الرسمية على موقع “يوتيوب”؛ تقول كلمات الأغنية:
الساعة ستة صباحا بردان ومتقل الهدوم
وفي قصر النيل بمشي نفسي وبفضي القلب م الهموم
والمشي عملت منه عادة وعملت لقلبي نسختين
بأتعرف وحدي ع السعادة ومكمل مش عارف على فين
أنا رايح على فين قلبي اتعبى حنين والفاعل مجهول
وده مين رص الڤتارين بوشوش مبتسمين بتقول لي على طول هتلاقي الخطوة بابتسامة
بس اللي انا شوفته كان كتير عديت ما جرالي بالسلامة والماضي ده سر نام ف بير
والصبر عملت منه قارب يتكسر اقلبه جناحين والقلب معلق الكهارب والزفة هتصحي النايمين
أنا رايح على فين قلبي اتعبى حنين والفاعل مجهول
أغنية “6 صباحًا” من كلمات عمر طاهر، وألحان حمزة نمرة، وتوزيع كريم عبد الوهاب، وهي من ألبوم “مولود سنة 80”.
ويعد كليب «مولود سنة 80»، هو أغنية الألبوم الرسمية، ليعلن بها العودة بعد غياب عامين عن الساحة الغنائية منذ إطلاق ألبومه الأخير”هطير من تانى” والذي يضم 10 أغاني من بينها أغنية “الواد العبيط” و “زهرة” و”بص بص” وقد حقق نجاحا كبير خاصة أغنية “داري يا قلبي” التي تخطت حاجز الـ 220 مليون مشاهدة على يوتيوب.
تصريحات حمزة نمرة
وبمتابعة راديو نجومنا شارك حمزة نمرة مؤخراً في مهرجان إفران الموسيقى الدولي بالمغرب، ممثلا عن الوسط الموسيقي المصري، وانضم بذلك لنخبة من النجوم العرب والمغاربة المشاركين في النسخة الرابعة من المهرجان منهم العراقي ماجد المهندس والمغربية دنيا بطمة والمغربي حاتم عمورة والمغربي زهير بهاوي.
على الجانب الآخر، أعرب حمزة عن حماسه الكبير لألبومه الخامس في مشواره الذي انشغل في تحضيراته لأكثر من عام وسجل جميع أغانيه في بريطانيا،
موضحًا أنه من أقرب الألبومات له شخصياً ويعبر عن حياته، واختار له اسم مميز يعبر عن حياة أجيال كثيرة تدخل عقدها الرابع من عمرها وكيفية تغير نظرتها وتفكيرها للحياة من كثرة ما عاشرته، ويسعى لإطلاق أغنيتين منه كل أسبوع بشكل فيديو كليبات.
وأضاف حمزة نمرة أن الألبوم يضم أكثر من أغنية يتعاون خلالها مع الكاتب الكبير عمر طاهر، كما يتعاون خلاله مع الشعراء أصدقائه ورفقاء دربه منذ عشرين سنة، منهم سامح خيري ومحمد السيد،
وتعاونه من جديد مع حازم ويفي، ويشهد الألبوم تعاون حمزة مع مجموعة من الشعراء الجدد من بينهم محمد الشافعي وخليل عز الدين، والموزعين كريم عبد الوهاب ومصطفى نجم وأحمد نصر الدواوي، مشيرا لتصوير أغلبية أغنيات الألبوم في لندن في استوديوهات Sugar الشهيرة.
يعرف حمزة نمرة مؤلف موسيقي ومغنٍ، وعازف جيتار مصري، من مواليد 15 نوفمبر 1980 مهتم بالثقافة العربية الأصيلة محاولًا تجسيد العلاقات الاجتماعية والإنسانية من خلال أغانيه. أصدر حمزة نمرة أربع البومات من إنتاج شركة تسجيلات أوايكننغ: “احلم معايا” و”انسان” و”اسمعني” و”هطير من تاني“، في مارس 2018 أصدر ألبومه الرابع “هطير من تاني” من إنتاجه الخاص.
ولد في 15 نوفمبر 1980 في السعودية. وحصل على درجة البكالوريوس في التجارة باللغة الانجليزية من جامعة الإسكندرية عام 2003.
أعمال حمزة نمرة الفنية
- بدأ اهتمامه بالموسيقى في سن مبكرة. ولما أصبح في السابعة عشرة، بدأ في تعلم الموسيقى والغناء، وعاصر واختلط مع معظم الاتجاهات الموسيقية السائدة في ذلك الوقت في الإسكندرية، وكان من ضمنها اتجاه إحياء نموذج الفرق الموسيقية.
- في عام 1999 التحق بفريق “الحب والسلام” بقيادة الموسيقي “نبيل البقلي”، وأثرت تلك الفترة بشكل عميق في تكوين شخصيته الموسيقية والإنسانية، وتعلم على يد “نبيل البقلي” التأليف الموسيقي والتلحين.
- خلال الفترة 1999-2000 قدّم حمزة العديد من العروض مع فريق الحب والسلام كمغن وعازف جيتار، مما أكسبه خبرة جيدة فنياً وصقل موهبته بشكل كبير.
- عام 2001، استقل حمزة عن الحب والسلام، وقدّم نموذجاً للفريق الموسيقي تحت اسم “نميرا” وكان ذلك بمثابة أول مشروع موسيقي لحمزة، حيث بدأ في تقديم العديد من ألحانه من خلال الفريق، كان حمزة مغني الفريق وعازف الجيتار.استمر الفريق حتى عام 2004.
- عام 2006 بدأ في الإعداد للألبوم الأول بعنوان “احلم معايا” والذي اشتركت في تنفيذه مجموعة من أفضل الموسيقيين بالإضافة إلى أصدقائه من فريق نميرا والفرق الموسيقية المختلفة.
وفي عام 2011 أنتج البوم إنسان الذي حقق أكبر نسبة مبيعات وهو الأفضل في عام 2012.
- أنتجت له ألبومه الأول شركة أواكيننج ريكوردز ، كما غنى أكثر من أغنية للشيخ سيد درويش.
- يدرس حمزة في مجال الموسيقى والهندسة الصوتية على الإنترنت في بيركلي ميوزيك أونلاين التابعة لكلية بيركلي الأمريكية للموسيقى.
- عام 2012 أنشد شارة النهاية برنامج خواطر في جزئه الثامن الذي يعرض على قناة إم بي سي في شهر رمضان المبارك، وأيضاً تتر برنامج سحر الدنيا الذي يقدمه الداعية الإسلامي مصطفى حسني ويعرض على قناة اقرأ والنهار وغنى تتر البرنامج الإذاعي “ع القهوة” الذي يقدمه الإعلامي أحمد يونس علي إذاعة نجوم اف ام.
- تمّ حظر أغاني حمزة نمرة من محطّات الإذاعة الرّسميّة في نوفمبر 2014م بسبب “انتقاد النّظام”.
- 2018 رحل حمزة نمرة عن شركة Awakening Music وانشأ شركته الخاصة تحت مسمى Namira ويقيم حاليا في لندن بسبب منعه من دخول مصر وذلك لتقديم اتهامات ضده انه معادي للنظام
