كتبت / رشا انور
هاجم رواد مواقع التواصل الاجتماعي، الفنانة داليا البحيري، بسبب تدوينة لها بشأن مخالفي حظر التجوال، على فيسبوك،
والتي قالت فيها: “مبقاش أنا محبوسة في البيت أنا وأهلي داخلين على 36 يوم وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد حيوان كان مقضيها خروج بيتفسح ولا كان على باله اللي احنا فيه”.
وتابعت: “حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بوقه أنا فاض بيا ! أولا معظم المؤسسات الخيرية -وبقول معظم مش كل- بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا، وكتير منهم بنتحايل عليهم يشتغلوا أصلا طول السنة! خلينا صادقين مع نفسنا شوية كدة والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية”.
وانهالت التعليقات الغاضبة من قبل عدد من أصحاب العمالة غير المنتظمة على تلك التصريحات والتي جاءت كالتالي:-
وبعد ساعات من الانتقادات حذفت الفنانة داليا البحيرى المنشور الذى انتقدت فيه المواطنين الذين خالفوا حظر التجوال ولم يلتزموا بالأوامر للوقاء من فيروس كورونا.
وكتبت داليا عبر صفحتها الشخصية على موقع التواصل الاجتماعى “فيس بوك”: “اللي أخد البوست بتاعي وحرفه على مزاجه شخص مريض ومش هاقبل مزايدة من حد على خوفي على ولاد بلدي كلهم وأولهم العمالة اليومية واللي كنت أول المطالبين بمساندتهم في الظروف دي.
وتابعت: “تاني أنا بتكلم عن اللي بيتفسحوا ويتسوقوا في المولات والعتبة، الرحمة”.
وأكدت داليا البحيرى أنها لا تقصد الإساءة للعمالة اليومية، مستشهدة بإعلان دعائى لصالح إحدى الشركات بدعم العمالة اليومية.
وأضافت “لحد دلوقتي ماشين بستر ربنا ومجهودات الدولة العظيمة اللي اتعملت في الأول، بس والله العظيم ده شعب ملوش كتالوج ده لازم يتربط في رجل السرير مش يتحبس بس”.
