وبمتابعة راديو نجومنا نشرت فتاة تدعى روشان بغدادي موظفة بالشركة ايضا مقطع فيديو لها على موقع التواصل الاجتماعي “فيسبوك” تروي نظام العمل داخل الشركة والتي دفعت زميلها للانتحار من الطابق الثالث بالشركة.

وتابعت نور: الشركة تعمل بنظام الكروت ” لو غلطت كارت أصفر، بعدها أحمر، وأسود، بعدها تترفد من الشغل”، واصفة طريقة تعامل مسئولي الشركة مع الموظفين بـ”خرفان”.

“دي مقبرة” بتلك الكلمة وصف أصدقاء “نور” في العمل داخل الشركة، “الناس كلها بتشتكي من التعسف والمديرين”، كل ما يهم المدير هو تحقيق الأرقام :”أحقق أرقامي إزاي؟.. اني اعصر الموظف ينزل أرقام” بحسب روشان بغدادي.

وأضافت باكية : أنا كنت واقفة جنبه وهو بياخد آخر نفسه في المكان، أنا لحد دلوقتي مش عارفة أقوم من السرير ولا أدخل المكان تاني، متابعة: يا جماعة أنت كتيم ليدر أو مدير حط نفسك مكان أي حد، أنت مسؤول، لازم تحسوا بالناس اللي تحت إيديكم.

وواصلت بغدادي: أنت الموظف بيقضي معاك وقت أكتر ما بيقضي في بيته، بتعاملوا الناس على إنه عبيد، إحنا مش عبيد، زي ما أنت عاوزه يتعامل مع الزبائن وبتعاطف معاهم، أنت كمان لازم تشوف مشاكله فين وتتعاطف معاه.

وأكدت قائلة: الراجل كان واقف جنبي وهو بيموت، بتاع الأمن بقوله ربنا يرحمه قالي الله وأعلم، أنت مين عشان تقول مين ربنا يرحمه ومين ربنا ميرحموش.

وشددت: عواطف الناس مش لعبة في إيديكم، الولد نزل الشغل مرجعش لأهله، كل ده عشان تحقق أرقامك، وتكون أحسن مدير.

وأكدت أن الشركة لم تنشر نعيا للموظف، وقالت: حسبي الله ونعم الوكيل، لا حول ولا قوة إلا بالله العظيم، وصلنا إننا حتى مش عاوزين ننعي الراجل.

وأردفت قائلة: أنا بلوم نفسي إني ملقنتوش الشهادة، يا ريت مصر كلها تترحم عليه، الناس دي هتتحمل المسؤولة قدام ربنا.

وواصلت بغدادي: مش هتكون مدير شاطر وأنت بتدوس على الناس، اوعوا تستهونوا بمرض الاكتئاب، اللي بيهزر ويضحك معاك بيروح ياخد دواء عشان بس ينام.

وتابعت زميلة الموظف المنتحر بمقر عمله: “تعامل المديرين في الشركة مع الموظفين كأنهم خرفان في زريبة، عمري ما شوفت نظام كروت للتهديد بالفصل عشان أخش الحمام”.

وأضافت روشان البغدادي: “، زميلي كان مشتري أجهزة كهربائية لبيته وكان مستني يقبض البونص عشان يسدد مديونيته البالغة 15 ألف جنيه”، لافتة إلى أن أقصى مرتب في الشركة لموظف الكول سنتر الذي يجيد الإنجليزية بطلاقة يبلغ 4000 جنيه.