كتبت / أمل محسن
جمالك من الطبيعية :
بتلجأ العديد من البنات و السيدات لشراء مستحضرات طبيه و تجمليه لتعالج و تحافظ علي جمال بشرتها و شعرها، و أغلبها بتكون مستحضرات سعرها غالي و ممكن ماتحصلش علي النتيجة المطلوبه الي ترضيها، و مش من الضروري علشان نحافظ علي جمالنا اننا نصرف مبالغ كبيرة.
الوصفات الطبيعية دلوقتي هتساعدك تحافظي علي جمالك وتعالجي مشاكل بشرتك و شعرك بأقل التكاليف، بجانب أتباع بعض العادات الصحية الضروريه، اهمهم النوم بقدر كافي، و عدم التدخين، وشرب المايه، و الاكل الصحي، و ممارسه بعض التمارين الرياضيه الخفيفه .
هنقدملك عدد من الوصفات الي هتساعدك تبقي أحلي بأستخدام زيت الورد و زيت الزيتون كعناصر رئيسية في وصفتنا.
وصفات لجمالك بشرتك :
زيت الورد مش بس زيت عطري ده بيتميز انك ممكن تستخدميه في روتين العنايه بالبشرة و الجسم،و من أهم استخدماته :
١- لتفتيح البشرة و البقع الداكنه : ضيفي بعض القطارات منه لمرطب البشرة المفضل ليكي، و استخدميه ٣ مرات يومياً.
٢- لعلاج الحكة و تهيج البشرة : اخلطي بعض قطرات زيت الورد مع عصير ليمون، و أستخدميه كلوشن علي المكان المصاب.
٣- ولتعطير الجسم : استخدمي بعض قطرات زيت الورد مع اوراق الورد، و اخلطيهم جيدا و يستخدم علي بشرة الجسم قبل الاستحمام لمدة نص ساعه، و هيساعدك كمان علي الأسترخاء.
وصفات لجمال شعرك :
زيت الزيتون من أنواع الزيوت المهمة لصحة الشعر، و لانه مفيد للشعر بيدخل في كتير، من مستحضرات العناية به، و اهم استخدماته:
١- للشعر الجاف : هيتم تسخين كوب من زيت الزيتون لدرجة الدفيء فقط، و تدلك فروة الرأس والشعر جيداً من الجذور وحتى الأطراف، بعدين يتم وضع غطاء بلاستيك على الشعر، و يترك لمدة نصف ساعة، و يتم شطف الشعر جيداً بعدها باستخدام الشامبو والبلسم.
٢- للشعر الخفيف : هنخلط ٣ ملاعق من زيت زيتون مع ٧ قطرات من زيت شجر الشاي، و يتقلبو كويس جدا، و بعدين يوضع الخليط على الشعر من الجذور وحتى الأطراف، و يتم وضع غطاء بلاستيك و يترك على الشعر طوال الليل، و يغسل جيداً في الصباح باستخدام الشامبو.
