خطوات قبل و بعد الميك اب هتفرق في بشرتك”أنتي أحلي”.

كتبت / أمل محسن

 

قبل ما أقولك خطوات قبل و بعد الميك اب الي هتفرق في بشرتك هديكي شوية نصايح تتبعيها عشان شكل بشرتك من غير ميك اب يكون صحي، أحرصي علي شرب من7 ل 8 أكواب مايه كل يوم، أحرصي علي تناول طبق من السلطة كل يوم مع أكلك، النوم بالقدر الكافي علي الأقل 8 ساعات و الخطوات الي هقولها دي ماتعمليهاش بس لتجهيز البشرة قبل الميك خلي دة يكون روتين بشرتك علشان تحصلي علي بشرة صحية.

 

أستخدامك لأغلي ماركات الميك اب مش السبب الأساسي ان شكل بشرتك يكون ناعم بعد وضعه، معظم البنات بتستخدم ماركات دراج ستور أو رخيصه مجهولة المصدر وشكل بشرتها بيكون ناعم و مافيهوش عيوب، علشان تتفادي ظهور عيوب بشرتك من جفاف، و ظهور التشققات رغم وضع طبقات كريم الأساس و البودرة، هقدملك خطوات لتجهيز بشرتك قبل وضع الميك اب علشان تحصلي علي أطلالة رائعة.

لتجهيز البشرة قبل الميك اب :

1- تنظيف البشرة  :

 أختاري الغسول الي يناسب نوع بشرتك ولو مش متوفر عندك أغسلي بشرتك بصابونه   الجلسرين، أو العسل، أو زيت الزيتون.

 للبشرة الدهنية أو مختلطة: يفضل ليكي غسول يتحكم في افراز الزيوت الزائدة،       كغسول  اكرين، او ستار فيل، او سيتافيل، او نيتروجينا اويل فري، او جونسون”.

 للبشرة الجافة او حساسة: يفضل ليكي غسول مرطب يساعد ترطيب البشرة، و غسول   للبشرة الحساسة خفيف لانها معرضة لحب الشباب، “كغسول سول يورياج، او نيفيا، او   جونسون”.

 “الخطوة دي نعملها مرة كل شهر او شهر ونص”

هنقوم بأحضار سلطانية ازاز كبيره غويطة او حلة فيها ماء مغلي ونقرب وشنا منه لعمل   حمام بخار للوجه من( 5-10) دقايق و بعدها نمسح وشنا بقطنه ونقفل المسام بعدها   بمكعب ثلج وبعدها نمسح الوش بقطنة بها ماء ورد لتهدئه البشرة.

2- تقشير البشرة :

 بيتم تقشير البشرة بغرض التخلص من خلايا الجلد الميتة، وينصح بتقشير الوجه من مرة     لمرتين كل اسبوع في مقشرات جاهزة هاتي الي يناسبك منها و هقولك علي بعض         المقشرات الطبيعية هتساعدك علي تقشير البشرة، البشرة المصابة بالحبوب لا تقشر   الوجة الا بعد معالجة الحبوب.

  • معلقه سكر ومعلقه زيت زيتون و يوضع علي البشرة و يدلك برفق و كمقشر
للشفايف نضيف القليل من القرفه للخليط و يدلك بفرشه ناعمه و يترك خمس دقائق
مرتين في الأسبوع.

  • للبشره الحساسه معلقه زيت زيتون ومعلقه لبن بودر مرتين في الاسبوع.

  • لبن الذبادي يخلط مع العسل و يوضع علي البشرة لمدة ربع ساعة.

  • لأزاله الرؤوس السودا هنستخدم معلقه جيلاتين من العطار او السوبر ماركت مع معلقه       مايه دافية وتوضع علي الرؤوس لحد ماينشف و ممكن نستخدم عليها قرص فحم من           الصيدلية من اقراص  o carbon ثم تقشر تالت مرات في الاسبوع.

3- تونر البشرة :

 بيساعد على تعديل حموضة البشرة وبيحافظ على توازنها و بيخليها صحية و بينضف   البشرة من الدهون و في معلومه منتشرةعن التونر انه بيقفل المسام و المعلومة دي   مغلوطة و بيساعد علي أنعاش البشرة و بيستخدم أيضا كمزيل للميك اب و البديل لتونر   في حالة عدم توافر   التونر ماء الورد.

 للبشرة الدهنية أو مختلطة: تونر بيل كلينك، تونر بايوديرما، تونر نيتروجينا بيرفيرنج برو،
  تونر نيفيا فيزاج.

 للبشرة الجافة او حساسة: تونر نيتروجينا خالي من الكحول، تونر بودي شوب فيتامينe.

 لكل أنواع البشرة: تونر بيزيلين، تونر اولاي، أورانج ديلي فيتامين سى.

4- الكريم المرطب:

 من اهم خطوات الاهتمام بالبشرة هي الترطيب رطبي بشرتك الصبح و بليل وقبل وضه الميك اب بالمرطب المناسب ليكي.

  “للبشرة الدهنية”بيبانثين كريم، او نيتروجينا اويل فري كريم.

  “للبشرة مختلطه او عادية” بانثينول كريم او نيفيا الازرق.

  “للبشرة الجافة” يورياج كريم، او بانثينول كريم، او زبده الشيا.

 

5- وضع البرايمر :

أستخدام البرايمر بيعمل علي ترطيب البشرة  وتقليل العرق لانة يعمل علي أغلاق المسامات المفتوحة و بيعمل علي ثبات المكياج لفترة أطول لو مش متوفر عندك البرايمر ممكن تحطي بعض قطرات من الجلسرين النقي علي المرطب و تسبيه خمس دقايق.