كتبت / أمل محسن
سارة أكتشفت جمالها في مطبخها علشان تبقي احلي،
مش كل الحاجات الي تخص الاكل مش شرط نستخدمها عشان نعمل أكله حلوة، دلوقتي هنستخدمها في وصفات هنعالج بيها عيوب بشرتنا، علشان نوصل لبشرة صافيه من غير عيوب، و كمان بحاجات طبيعيه متوفرة في كل مطبخ.
“سارة فران” مصرية سورية زي أي بنت بتحب المطبخ، و في نفس الوقت بتهتم بجمال بشرتها، و شعرها، و شكلها، سارة أستغلت وقت فرغها من وهي صغيرة بسبب حبها للمطبخ و الطبيعه في أكتشاف وصفات طبيعيه من أختراعها، علشان تبقي أحلي، بدأت تجرب علي نفسها، و لما لاحظت نتيجة بدأت تنقل تجربتها للمحيطين بيها.
بعدها قررت تقرأ اكتر و تفهم طبيعيه كل بشرة و تقول علي الوصفه الصح، لحد ما باقت خبيرة من غير شهادات بشهادة المحيطين بيها، وبعد سنين قررت تعمل جروب علي الفيس بوك و تفيد بيه كل البنات من غير أي مقابل، وتساعدهم يحبوا بشرتهم و شعرهم و يبقوا أحلي.
سارة صرحت لنجومنا عن أول الوصفات الي بدأت تنزلهم لما عملت الجروب، وحققوا نجاح كبير و نتائج مبهرة مع الفانز الي بيتبعوها،
من ضمنها كريم الأرز، و كريم البطاطس، و مزيل العرق، و لسه هتقولنا علي وصفات تانيه كتير في المقالات الجاية.
1- كريم الأرز : هو كريم لتفتيح البشرة، و الكوع، و الركب، لعلق الصوابع، والايد، و الأندر أرم.
المكونات مطلوبة لعمل الكريم :-
• 4 معالق من الأرز
• نص كوباية من اللبن
• زيت زيتون
• معلقة عسل نحل
طريقة التحضير :
هنغسل الارز، و نصفية من المايه كويس،وبعدين نضيف علية اللبن، هنسيبة في التلاجة 24 ساعة، بعدين هنضربة في الخلاط الكهربائي، هنجيب قطعه قماشة نضيفه وطبق غويط، نضع علي الطبقه قطعه القماشة ونضع عليها خليط اللبن و الارز بعد ضربة ونعصره كويس بالقماشة، وبعدين نحطة علي نهار هادية مع زيت الزيتون ونقلب لحد ما يبقي كريمي، نرفعه من علي النار و نحطة في علبه و نضيف معلقة العسل، و تغلق العلبه بأحكام، و يحفظ في التلاجة بعد كل استخدام صالح لمدة اسبوعين.
طريقة الأستخدام :
يوضع علي بشرة نضيفه لمدة ساعة او اكتر لحد ما يتشربه الجلد و نغسلة بحركات دائرية عكس الجاذبية و بعدين مايه ساقعه و بعدين نرطب بشرتنا.
2- كريم البطاطس : هو لتفتيح بقع اثار الحبوب، و للكلف، والاسمرار حول العين، و للجسم.
المكونات مطلوبة لعمل الكريم :
• خمس حبات بطاطس
• ملعقتين كبار أرز
• زبدة شيا
• 2 كبسوله فيتامين e او 4 نقط زيت e
• ملعقيتن كبار لبن
طريقة التحضير :
هنغسل البطاطس بقشرها، و توضع في مايه مغلية علي النار، و المايه تكون مغطية البطاطس لمدة 3 دقايق، ونغلي مايه نحط فيا الأرز لمدة 3 دقايق وبعدين نصفي المايه في طبق ، هناخد البطاطس نقشرها و نهرسها في طبق، و نضيف زبدة الشيا(اختياري)، نقلب كويس و بعدين نحطها في الخلاط مع مايه البطاطس، ونضيف مايه الازر الي صفناه مع فيتامين e و اللبن و نضربهم كويس في الخلاط لحد مايبقي القوام كريمي ولو القوام متماسك ممكن نزود مايه بطاطس للوصول للقوام الكريمي، نحطة في علبه، و تغلق العلبه بأحكام، و يحفظ في التلاجة بعد كل استخدام صالح لمدة اسبوعين.
طريقة الأستخدام :
يوضع علي بشرة نضيفه لمدة ساعة او اكتر لحد ما يتشربه الجلد و نغسلة بحركات دائرية عكس الجاذبية بمايه فاتره و بعدين مايه ساقعه و بعدين نرطب بشرتنا.
3- مزيل العرق : هو مزيل لرئحة العرق المزعجة و بيفتح الاندر ارم.
المكونات المطلوبة لعمل المزيل :
• ملعقتين كبار من الشبة المطحونه
• ملعقة صغيرة من النشا علي مسك مبشور أو لرائحة الليمونا و البرتقال جففي قشرهم و اطحنية علي معلقة بودره الاطفال جونسون او المفضله ليكي وضعيه بدل المسك
• ملعقة كبيرة من كريم جليسوليد
طريقة التحضير :
هنخلط كل المكونات علي بعضها كويس جدا و نحطة في علبه، و تغلق العلبه بأحكام، و يحفظ في التلاجة.
طريقة الأستخدام :
بيستخدم مرتين في الاسبوع و شرط يكون قبل وضع تغسل منطقة الاندر ارم بالمايه و الصابون.
ملحوظة هامة : لو هتستخدمي كريم الارز مع كريم البطاطس
هتستخدمي كريم الارز لمدة أسبوع وفي الاسبوع الي بعده كريم البطاطس.
وجب التنويه : اصحاب البشرة الحساسة أتجاة اي مكون من المكونات في اي من الوصفات بلاش تستخدموها.
