كتبت/ امل محسن
مروة أكتشف أختلاف في شكل جسمها وثقتها في نفسها زادت والسبب كان الكلام عن التمرين
وازاي بيغير شكل الجسم للاحسن واهتمام البنات بلياقتها وبيفرق ازاي حتي في النفسيه جذب انتباها وقالت أجرب.
بنات كتير عايزة شكل جسمها يكون مشدود
و عايزة تغير اسلوب حياتها من العادات الغلط الي بتتبعها لعادات صحيه تفرق في صحتها الجسديه
و كمان في شعرها و بشرتها مش شرط علشان تغيري شكل حياتك و جسمك
أنك تصرفي مبالغ كتير علشان تروحي الجيم او لدكتور تغذيه دلوقتي هنساعدك تغيري اسلوب حياتك و شكل جسمك وانتي في البيت.
” مروة عمر” مدربة لياقه بدنيه ، مصريه عايشه في دبي بعد ما جربت التمرين مره وحست بأختلاف ملحوظ في جسمها
و نفسيتها وكمان ثقتها في نفسها زادت، قررت من 3 سنين لحبها للتمرين انها تغير نمط حياتها كله وطورت من نفسها،
بدأت تدرس و تاخود شهادات تدريب و تغذيه، وقررت أنها تنقل خبرتها ومعلوماتها للناس،
وازاي يغيرو فكرتهم عن التمرين بدل مايكون شيء مرهق بالنسبالهم يكون ليهم شيء اساسي في اسلوب حياتهم اليومي.
فقررت تعمل بيدج علي الفيس بوك و تنزل فيها انظمه غذائيه و تمارين، سواء للناس الي بتتمرن في البيت او في الجيم، تساعدهم يبدأو أزاي ويفهمو أيه الي يناسبهم.
في حوارنا مع مروة لـ نجومنا قالتنا علي نصايح، لو ألتزمنا بيها في رمضان هتفرق في صحتنا وشكلنا و امتي الوقت المناسب للتمرين، وازاي نستغل وقت الصيام ده فى نزول الوزن.
أهم نصايح رمضان للخساره الوزن خلال شهر رمضان هنقسم الموضوع لنقطتين:
* التمرين :-
يكون قبل الفطار بساعه و ينتهي مع وقت الفطار ، ومده التمرين متزدتش عن ساعه ، و ينقسم الى :
تمرين الكارديو بيعتمد بشكل رئيسي على حرق
الأكسجين وسكر الدم في الجسم لإنتاج الطاقة، و الكارديو
من أهم التمارين التي تمارس لخسارة الوزن، و تمرين الجسم باوزان او حبل مقاومه.
لو عايزين التمرين بعد الفطار بساعتين او ٣ لو هنتناول وجبه افطار كامله، لو ال فطار خفيف نتمرن بعد ساعه وبعدها نتناول الوجبه كامله.
لازم يكون فى اوزان فى البيت زى دامبلز او حبل مقاومه .
2- التغذيه :
في ساعات الفطار قسموا اكلكوا على وجبتين او تلاته بالكتير اوي، لازم الوجبات تحتوي على اكبر نسبه من البروتين، و الدهون الصحيه، و جزء الاصغر خالص من الطبق يحتوي على الكارب.
نصيحة للناس الي عايزة تفقد دهون اعملو لو كارب دايت (دايت يحتوي علي نشويات قليله جدا ) الفتره دى هتفرق معاكو كتير جدا.
♦ عصائر رمضان اكتفوا بكركدريه، او تمر هندى فى البيت، او لمون بنعناع.
باقى العصاير بتحتوى على نسبه سكر عاليه جدا .
♦ لو حابين تكونوا معتدلين فى اكلكوا فى الشهر ده و تجربوا كل حاجة متنظروش نزول وزن .
♦ حاولو تتطلعوا باقل الخساير من الشهر ده يعنى لو هتعملوا كل حاجة ياريت يكون بطريقه صحيه، بأستخدام سكر دايت و اقل المواد الدهنيه.
مثال لنظام يتبع في رمضان:
• الفطار
الشوربه النوع إلي تحبه + بروتين + خضار مشوى او مسلوق او علي البخار + سلطه مصدر للدهون الصحيه.
• لو هتاخدو سناك زاي التفاح، او حاجة فيها كارب طبق صغير رز بلبن مطبوخ بطريقه صحيه.
•السحور
زبادى + بيض + فول + خيار + طبق سلطه+ جبنه قريش.
متنسوش شرب المايه علي الأقل من 6 – 8 أكواب في اليوم والفيتامينات.
