عايزة شعرك يطول؟ د/شهيرة الغلبان هتقولك تعملي أيه

كتبت / أمل محسن

 

 

عندك مشكلة أن شعرك مش بيطول جربتي حاجات كتير و بردو مافيش نتيجة المقال دة هيساعدك تطولي شعرك.

د/شهيرة الغلبان هي من أشهر دكاترة الجلدية والتجميل في مصر حاصلة علي ماجستير الأمراض الجلدية و التجميل عندها عدة مراكز في مصر بأسم Lady Clinic – د. شهيرة الغلبان في ظل الظروف الي العالم كله بيمر بيها و اننا في البيت قررت انها تعمل هاشتج بأسم ليدي البيت .

قالت دكتورة شهيرة من خلال حسابها الشخصي علي الفيس بوك هانزل بوستس أسبوعيًا مش كـ شهيرة دكتورة الجلدية بس لا دا كمان بوستات بنات  وطبيخ  وترفيه وتوجيهات تخص أمور البنات اللي بتشغلهم.

 

 

و كتبت بوست جاوبت فيه كل البنات الي بتسألها عن تطويل الشعر والروتين بتاعها اللي دايما بتكلم عنه و كان في خلاصة أزاي تخلي شعرك يطول وهنشوف قالت أية من خلال المقال دة.

 

تطويل الشعر♦

⊗ في الأول حابه أنبه ان دا روتين شخصي من خبرتي كطبيبة جلدية ومن خبرتي وتجاربي كبنت زيي زيكم بتحب تجرب حاجات كتير ؛ روتين ايه؟ شخصي ®

قبل ماتكلم عن تطويل الشعر هاشرح حاجة بسيطة جدا الاول عن اشمعنى فلانة العراقية هي وعيلتها كلها شعرها طويل وفلانة من دولة تانية هي وعيلتها كلها شعرها قصير
او فلانة صاحبتي شعرها طويل وفلانة صاحبتي شعرها قصير

¤ دورة حياة الشعراية عبارة عن ٣ مراحل:
* أناچين: (٢-٦) سنوات ودي اللي الشعر فيها بينمو ويطول يعني كل مازادت الفترة دي كل مالشعر بقى طويل
* كاتاچين: مجرد مرحلة انتقالية وهنا الشعر بيتوقف خلاص عن النمو (٣-٤ أسابيع)
* تيلوچين: ودي مدتها (٢-٣ شهور) وبعدها الشعراية بتقع وبينتهي عمرها

 كدا فهمنا ان السر هايكون ف فترة الاناجين لو مدتها طويلة اذن الشعر هاياخد براح انه يطول بسهوله
لو مدتها قصيرة اذن الشعر مش هايلحق يطول للاسف

مدة فترة الاناجين دي أمر وراثي چيني بحت
بمعنى⁉️
ماينفعش واحدة طول عمرها شعرها قصير وكمان عيلتها كلهم شعرهم قصير وعايزه تطول شعرها ٥٠ سنتي مثلا!!!
استحالة!!
لكن احنا هانتبع الروتين وبإذن الله هايطول على فكرة
لكن مش لدرجة ٥٠ سنتي
زي بالظبط لو بنت سمراء وعايزه تفتح؛ بقولها تمام هانفتح لوننا وهاتبقي مبسوطة
طيب لو عايزه تبيض؟؟؟ استحالة طبعا نغير صفة وراثية تغيير جذري كدا

♦روتين تطويل الشعر♦

  1. مطول فترة الأناچين:

   -Villa Borghini anagen solution

  ودا الوحيد في الصيدليات اللي وظيفته هي تطويل فترة     الأناچين بقدر الإمكان بالتالي هايعطي للشعر براح انه

٣-٥ سنتي بالقطارة تدليك يوميا على فروة الراس مساء

    2. محفز نمو الشعر:

    ← يا إما تستخدمي مينوكسيديل
    -Hairback2% ٩ رشات يوميا صباحا تدليك على فروة الراس      مع غسل الديدين بعدها والبعد عن الوجه

    ←يا اما لو مش حابه مينوكسيديل استخدمي:

      -Atrakta amp نص امبول تدليك على فروة الراس يوميا صباحا وهاتحسي بعدها بإحساس نعناع لانه بيحتوي على

     مادة المنثول اللي بتحفز نمو الشعر بسرعه

     أو -sfira spray
١٠ رشات يوميا صباحا تدليك على فروة الرأس ودا بيحقز نمو الشعر وكام بينبته

    3. الڤيتامينات:

      ودي كتير جدا اللي ليهم دور كبير في تطويل الشعر هو
      -Biotin 10000
      قرص يوميا بعد الغدا (برغم ان مش معروف ليه هو بيطول الشعر بالصورة دي)
      لو بيحصلك اعراض جانبية منه غير مرغوبة زي زيادة الوزن وزي حبوب بالوجه
      تقدري تجيبي
      -Sugerbear Hair
     حبايتين يوميا مضغ

   4. حمامات الزيت:

    مرتين كل اسبوع ٤ ساعات على فروة الراس قبل الشاور

    يا إما تجيبي زيوت هندية زي زيت سمڤرديهي و زيت خادي القهوة
    و دول اكتر نوعين لاحظت معاهم تطويل الشعر

    يا اما لو مش متوفرلك زيوت هندية اعملي الخلطة دي:
   (زيت املا +زيت حصالبان اللي هو زيت الروز ماري+ زيت خردل+ زيت سمسم+ زيت سدر لو متوفر ليكي)

   5. تدليك الشعر بطريقة inversion method

     وهي قلب الشعر وتدليكه تدليك خفيف لتنشيط الدورة الدموية سواء بزيت خفيف زي زيت الچوچوبا او بدون زيت والخطوة دي مهمة

 

 

 

 

• الخمس خطوات مع بعض كلهم هو روتين تطويل الشعر اللي بنصح بيه عميلاتي
والطبيعي ان الشعر بيطول نص سنتي لسنتي كل شهر

 فيه حاجات تانية بتساعد ف تطويل الشعر؟ ايوه كل بنت ليها تجارب شخصية فيه مثلا اللي بتلاحظ ان الحنة بتطول شعرها بس مش بتناسب كل البنات
او حنة مع ورق سدر مطحون
فيه بنات جربت انواع محددة من الفيتامينات وكانت تجربتها معاها كويسه جدا

¤ المهم النقاط الخمسة تكون وصلتكم:
(مطول فترة الأناجين+ محفز لنمو الشعر+ ڤيتامينات تطويل للشعر+ حمامات زيت+ تدليك إنڤيرچن ميثود)

¤ الروتين خاص بتطويل الشعر فقط؛ أما تساقط الشعر أيًا كانت درجة التساقط فبيحتاج فحص مباشر بالديرموسكوب
ماينفعش كتابة دواء اون لاين بدون تشخيص نوع التساقط وشدته وسببه 

د/ شهيرة الغلبان