مرأة ومنوعات

نصائح د/شهيرة الغلبان لكل أم في كيفيه تعليم أبنتها معني الأنوثة و الأهتمام بنفسها.

الوضع الليلى
5
(1)

كتبت / أمل محسن

 

دكتور شهيرة الغلبان من أفضل دكاترة الأمراض الجلدية والتجميل و الليزر في مصر وتعرف عيادتها بأسم Lady Clinic  في ظل الظروف التي يمر بها العالم أجمع أطلقت هاشتاج بأسم #ليدي_البيت ؛

عن طريقة حسابها الشخصي علي الفيس بوك و تحدثت كخطوة أولي للهاشتاج عن تطويل الشعر التي تتسأل عنه معظم الفتيات.

 

و كان من أبرز المنشورات تحت مسمي ليدي البيت قدمت منشور لتقديم النصائح لكل أم في كيفيه تعلم أبنتها معني الأنوثه و الأهتمام بنفسها وسوف نعرض لكم هذا المنشور.

زي مالتأسيس وزرع المبادئ والأخلاقيات في أولادنا وبناتنا بيبدأ من الصغر ؛ كذلك زرع احساس الانثى في بناتنا وزرع احساس الرجولة في اولادنا مهم جدا من الصغر

لو عايزة بنتك تبقى ليدي يبقى من صغرها لازم تعلميها يعني ايه انثى وازاي تهتم بنفسها

أولًا :

البنت من صغرها لازم تشوف الام قدوة ليها ف الاهتمام بالنفس والاهتمام بالنظافة الشخصية

  • يعني استحالة الام تكون مهملة سواء في نفسها او في بيتها ومش مرتبة وهاتربي بنت مهتمية بنفسها؛ دا بالعكس اهمال الام اكيد هاينعكس على اصول التربية الأساسية لبناتها واولادها

  • الام هي الاساس والبنت بتلقط كل اللي انتي مش بتاخدي بالك منه

  • لو رفعتي صوتك على زوجك او بتتكلمي عليه من وراه او بتتكلمي على اخواته بطريقة مش كويسه او على حماتك هاتلقط منك وهاتطلع شخصية مش سوية طبق الاصل منك

  • لو رميتي هدومك على الارض هاتطلع مهملة زيك

  • لو مابتغسليش اسنانك لو مابتتزينيش في البيت هاتطلع زيك

  • الاطفال بتسجل كويس جدا في مخها وبتحفظ ادق أدق التفاصيل

  • إذن لو عايزة بنتك تبقى مرتبة نضيفة انثى يبقى البداية منك انتي

ﺛﺎﻧﻴًﺎ مهم تعلمي بنتك من صغرها :

  • غسيل الاسنان واجب مهم مرتين يوميا؛ في الاول انتي اللي هاتعملي المهمه دي ليها وبعدها لما تقدر هي تمسك فرشاة الاسنان هاتبدأ هي تغسل لنفسها اسنانها

  • هاتيلها بادي سبلاش خفيف وعلميها ان دا معطر تحطه على هدومها (مش على جسمها) علشان ريحتها تكون حلوة

  • زبدة كاكاو لونا اللي لونها احمر علشان تبدئي تدخلي ألوان في حياتها وتعرف يعني ايه تجميل وتزيين

  • الشاور مرتين كل اسبوع

  • تسريح الشعر يوميا ووفريلها سيرم مناسب مخصص ليها هي بتاعها لوحدها ترطب بيه شعرها

  • تغير البانتي بتاعها يوميا وتنشف كويس بعد التويلت وتحطيلها علبة منايل كبيرة ف الحمام مخصوص للامر دا؛ التنشيف هايقيها بقدر الامكان من الالتهابات الفطرية

  • أحيانا بنات قبل سن البلوغ بيظهرلها شعر واضح محرج جدا ف منطقة الشارب؛ وأمهات كتير بيسألوني نعمل ايه؛ الليزر مسموح لو الشارب فعلا واضح وبيسبب احراج للبنت ف المدرسة؛ ليزر ازالة شعر على درجة قليلة كل شهرين ثلاثة

  • مع سن البلوغ! هنزود مع النقاط السابقة دي نوع تاني من الاهتمام علشان هرمونات البلوغ بتسبب تغيرات جديدة بتحتاج اهتمام زيادة: تبدأ تستخدم مزيل للعرق زي Vichy deodorant مره كل اسبوع لمرتين

بدء تعلم سنن الفطرة الأندر ارمز والبكيني :

  • البكيني = في السن دا هاتجيبيلها مقص صغير علشان تبدأ تقص الشعر من الاماكن الحساسة لكن مش هاتعمل ليزر الا بعد سن النضج يعني ١٦ -١٨ سنه فيما فوق علشان نتيجتها واستجابتها تكون جيدة

  • الاندر ارمز = فمسموح تعملهم ليزر من بدء ظهورهم عادي 

مع السن دا بيبدأ ظهور حب الشباب ودا لازم يتعالج صح أول بأول حسب شدة الحالة وتستخدم الغسول والتونر المناسبين لنوع بشرتها علشان نتجنب ظهور آثار تؤذي البشرة والنفسية؛

و بالنسبة لسؤال امهات كتير عن ازاي اتجنب اسمرار المناطق الحساسة عند بناتها لازم تعرفي ان اسمرار المناطق الحساسة بيظهر لكل البنات مع سن البلوغ ودا لابد منه ومانقدرش نتجنبه صفاتنا الوراثية الچينية مع نشاط هرمونات البلوغ بيحتم ان دا يحصل بعد سن ١١ سنة.

 

السؤال الصحيح هو = ازاي اقدر احافظ على اللون انه مايسمرش اوي؟

الأجابة : 

من وهي صغيرة حافظي على التالي:

  • تغيير البانتي يوميا

  • تنشيف كويس بعد التويلت

  • لو حصل اي التهاب فطري لازم يتعالج فورا وبصورة صحيحة (ودا شائع جدا ومتكرر ف وقت البلوغ)

  • لو البنت وزنها ممتلئ نحاول نحافظ على وزنها ونخففه علشان صحتها اولا وعلشان شكلها وعلشان مايحصلش احتكاك

  • تلبس شورت كارينا يمنع الاحتكاك

  • لو البنت كبرت وسنها فوق ١٧ سنه او اتخطبت ومقبلة على زواج تقدر تعمل جلسات تقشير وهنزل بوست لوحده مخصص عن تفتيح الاماكن الحساسة ازاي.

 

 

ما مدى فائدة هذا الخبر؟

شاركنا بتقيمك

متوسط التقيم 5 / 5. عدد الأصوات: 1

لا يوجد اصوات حتى الان! كن أول من يقيم هذا الخبر.

لقد أعجبك الخبر ما رائيك بمشاركته مع أصدقائك ؟ ...

تابعنا على وسائل التواصل الإجتماعي!

نأسف إذا كان الخبر لم يكن مفيدًا لك!

دعونا لتحسين هذا الخبر!

أخبرنا كيف يمكننا تحسين هذا الخبر؟

مقالات ذات صلة

زر الذهاب إلى الأعلى

أنت تستخدم إضافة Adblock " مانع الإعلانات "

نتلقى الدعم من الإعلانات عبر موقعنا لذلك يرجى دعمنا بتعطيل مانع الإعلانات لديك شكرا لتفهمك الأمر ونحن نرحب بك فى كل وقت