مرأة ومنوعات

د/ شهيرة الغلبان تتحدث عن الحلزون وهل هو مفيد للبشرة.

الحلزون للبشرة

الوضع الليلى
0
(0)

كتبت / أمل محسن

نبذه عن د/ شهيرة :

د/ شهيرة الغلبان حاصلة علي ماجستير الأمراض الجلدية و التجميل و تعتبر من أشهر دكاترة الجلدية في مصر و تملك عدة فروع خاصة بها في محافظات مختلفه بأسم Lady Clinic – د. شهيرة الغلبان .

في هذه الفترة ظهر كائن الحلزون و عن مدي فوائدة للبشرة فقررت د/ شهيرة الغلبان التحدث عنه و توضح هل هو مفيد للبشرة أم لا .

شهيرة الغلبان
د/ شهيرة الغلبان

و يرصد لكم راديو نجومنا ما قالته عبر حسابها الشخصي علي الفيس بوك :

 الحلزون هو كائن حي زراعي بيعيش ف المناطق الزراعية الدافئة والرطبة بيفرز مخاط وهو مادة لزجة علشان :

  • أولا تساعده و تسهل عملية الزحف
  • ثانيا ربنا وفرله المخاط دا علشان يرطب ويحمي الجزء السفلي منه من الجروح أثناء الزحف لأنه بيشكل طبقة سميكة واقية غنية بالماء.

دول كتير حددت من تكاثره وانتشاره علشان تتجنب الكوارث البيئية اللي بتحصل نتيجة زيادة عدده ولتقليل الخسائر البيئية اللي بيعملها.

وفيه دول بتعتبر اقتناؤه جريمة بيعاقب عليها القانون و فيه دول بدأت تاكله؛ ايوه تاكله  زي تايوان والبرازيل والمغرب كوسيله للحد من انتشاره لكن الأمر دا للأسف زود عدده أكتر،

كانوا فاكرين انهم لما ياكلوا بعض الانواع منه إن كدا عدده هايقل لكن العكس حصل؛ بدؤوا يخلوه يتكاثر وينتشر اكتر علشان يستخدموه ف الاكل ،

وكمان بدأ يصيب الإنسان بعدوى بكتيرية وميكروبية عن طريق أكله لو ماستواش كويس على النار المخاط دا بيتكون من ٩٠-٩٨٪؜ ماء والباقي عبارة عن مجموعة من البروتينات.

 في الستينيات اكتشف عالم أسباني ان المخاط دا له دور في سرعة التئام الجروح وتم استخدامه فعلا في الطب الشعبي علشان يسرع من عملية التئام الجروح أماكن كتير بتلجأ حتى الآن للطب الشعبي والاعشاب لعدم توفر دكاترة وخدمات طبية في كل الأماكن.

بعدها تبنى الفكرة دي شركات كتير وبدؤوا ينتجوا كريمات ومستحضرات تجميلية مستخلصة من افرازات الحلزون للعناية بالبشرة؛ كانت فايدتها زيها زي مستحضرات تجميلية كتير ماتزيدش عنها أهمية ولا سحر.

وعلشان ينجحوا في البيع؛ عملوا عليه ضجة اعلاميه قوية عن مدى سحر نتايجه وقد ايه هو رهيب وفظيع
بالرغم من ان الكريمات كانت عادية زي غيرها من الكريمات وتأثيرها زي تأثير معظم كريمات العناية الموضعية

لكن اللي حصل ان الضجة الإعلامية من قوتها خلت ناس تفكر انها تستخدم الحلزون بذات نفسه مباشرة على البشرة مش بس ككريم ووصل سعره ل ٥٠٠ و ٨٠٠ و١٠٠٠ جنيه للواحد حسب حجمه.

شهيرة الغلبان

 الكولاچين و البشرة

الكولاچين موجود في بشرة الإنسان في طبقة الأدمة (Dermis) ودي تعتبر طبقة عميقة ؛ الكريمات الموضعية مابتقدرش توصلها وعلشان نرمم الكولاچين وتكوينه بالجلد بنلجأ للجلسات اللي بتوصل للطبقة دي

 زي الديرمارولر والديرمابن والفراكشنال ليزر علشان تحفز بطريق غير مباشر الجلد نفسه انه يكون الكولاچين ذاتيا.

و جاوبت كتير على سؤال هل استخدام أمبولات الكولاچين الموضعي بيحسن كولاچين الجلد  و كانت الإجابة : لا لأن الكولاچين جزئ كبير لايمتص من خلال الجلد و إن الكولاچين بيُحَفَّز تصنيعه ذاتيًا ومابيتحطش ككريم او كسيروم و ان كريمات وسيروم الكولاچين كلها عبارة عن مرطب للبشرة مش أكتر.

إقرأ أيضاً :

نرجع تاني للحلزون والمخاط أو الچيل اللي بيفرزه و معظم الدعايات الترويجية بتؤكد مدى سحر وفعالية افراز الحلزون سواء بإستخدامه مباشرة او استخدامه ككريم مستخلص من افرازات الحلزون، وان له فوايد عديدة للبشرة وبيحل مشاكل البشرة.

و الحقيقة ان الكريمات المصنعة ومستخلصة من افرازات الحلزون زيها زي مستحضرات تجميلية كتير ودورها في البشرة زيه زي كريمات العناية بالبشرة العادية المنتشرة.

أما بالنسبة للكلام اللي اتقال عن الاستخدام المباشر لمخاط الحلزون غير مثبت وليس له أي أساس علمي ولا أساس طبي كله عباره عن كلام منقول من مواقع في الأصل بتروج لبيعه واستخدامه وليست مواقع طبية معتمدة.

شهيرة الغلبان

الملخص :

هل ثبت علميًا فائدة الاستخدام (المباشر) للحلزون طبيًا انه معالج وبيحل مشاكل البشرة المختلفة زي حب الشباب وانه بيساعد على النضارة وعلى ترميم الكولاچين؟

الأجابة : لا لم يتم ثبوت هذا الكلام حتى الآن علميًا وطبيًا وكل ماذكر عنه منقول ومتداول كوبي بيست من مواقع متخصصه في بيعه

هل من الأمان استخدام حيوان الحلزون مباشرة على البشرة؟
الأجابة : لا لأنه ناقل للأمراض البكتيرية والميكروبية والڤيروسية زي حيوانات كتير و أيضًا بيسبب لبعض البشرات حساسية واكزيما وجروح

أنا اشتريت حلزون بالفعل زي مانتوا شايفين ف الصورة علشان أشوفه عن قرب رأيي الحمدلله بجد على نعمة الدواء والكريمات النظيفة السهلة المعقمة المتوفرة والجلسات اللي نتيجتها جميلة.

انا طبعا ماحطيتهوش على بشرتي وولا فكرت اني اجرب حتى و مسكته بجوانتي زي ماواضح ف الصورة خوفًا من انتقال أي عدوى لأني بتعامل مع حيوان بيعيش في المناطق الزراعية.

و أوضحت د/ شهيرة الغلبان ان : الاستخدام المباشر للحلزون مجرد تريند وتجارة

 

شهيرة الغلبان
د/ شهيرة الغلبان

ما مدى فائدة هذا الخبر؟

شاركنا بتقيمك

متوسط التقيم 0 / 5. عدد الأصوات: 0

لا يوجد اصوات حتى الان! كن أول من يقيم هذا الخبر.

لقد أعجبك الخبر ما رائيك بمشاركته مع أصدقائك ؟ ...

تابعنا على وسائل التواصل الإجتماعي!

نأسف إذا كان الخبر لم يكن مفيدًا لك!

دعونا لتحسين هذا الخبر!

أخبرنا كيف يمكننا تحسين هذا الخبر؟

مقالات ذات صلة

زر الذهاب إلى الأعلى

أنت تستخدم إضافة Adblock " مانع الإعلانات "

نتلقى الدعم من الإعلانات عبر موقعنا لذلك يرجى دعمنا بتعطيل مانع الإعلانات لديك شكرا لتفهمك الأمر ونحن نرحب بك فى كل وقت